Dortmundning "Borussiya" klubi hujumchisi Niklas Fyullkrug Germaniya terma jamoasi uchun o‘yinlarda juda sermahsul.
30 yoshli futbolchi terma jamoadagi debyutini bir yildan kamroq vaqt oldin o‘tkazgan bo‘lsa-da, o‘nta o‘yinda sakkizta gol urishga muvaffaq bo‘ldi. Opta ma’lumotlariga ko‘ra, so‘nggi 45 yil ichida faqat bitta futbolchi Germaniya terma jamoasi uchun yanada ajoyib rekordni qo‘lga kiritgan. Bu - Serj Gnabri, u o‘zining dastlabki o‘nta o‘yinida to‘qqiz marta gol urgan.
Eslatib o‘tamiz, Niklas Fyullkrugning goli shanba kuni bo‘lib o‘tgan o‘rtoqlik o‘yinida (3:1) Yulian Nagelsmann shogirdlariga AQSH termasini mag‘lub etishga yordam berdi.
