Дортмунднинг "Боруссия" клуби ҳужумчиси Никлас Фюллкруг Германия терма жамоаси учун ўйинларда жуда сермаҳсул.
30 ёшли футболчи терма жамоадаги дебютини бир йилдан камроқ вақт олдин ўтказган бўлса-да, ўнта ўйинда саккизта гол уришга муваффақ бўлди. Opta маълумотларига кўра, сўнгги 45 йил ичида фақат битта футболчи Германия терма жамоаси учун янада ажойиб рекордни қўлга киритган. Бу - Серж Гнабри, у ўзининг дастлабки ўнта ўйинида тўққиз марта гол урган.
Эслатиб ўтамиз, Никлас Фюллкругнинг голи шанба куни бўлиб ўтган ўртоқлик ўйинида (3:1) Юлиан Нагелсманн шогирдларига АҚШ термасини мағлуб этишга ёрдам берди.
