Angliya chempionatining 9-turidan o‘rin olgan “Sheffild Yunayted” – “Manchester Yunayted” uchrashuvi 22 oktyabr kuni mahalliy vaqt bilan soat 14:00da (Toshkent vaqti bilan 18:00) boshlanishi kerak edi. Biroq, o‘yinni bir kun oldin - shanba kuniga ko‘chirishga to‘g‘ri keldi. Jamoalar o‘yinni 21 oktyabr kuni soat 20:00da (Toshkent vaqti bilan 00:00) boshlaydi.
Goal portali nima uchun o‘yinni avvalroq o‘tkazishga to‘g‘ri kelgani haqida gapirib beradi. Gap shundaki, Premyer-liga qoidalarida seshanba kuni jamoada yevrokuboklar o‘yini bo‘lsa, yakshanba kungi o‘yin boshqa muddatga ko‘chirilishi nazarda tutilgan. Xabaringiz bor, 24 oktyabr kuni “Manchester Yunayted” Chempionlar ligasi doirasida “Kopengagen”ga qarshi bahs olib boradi.
