Англия чемпионатининг 9-туридан ўрин олган “Шеффилд Юнайтед” – “Манчестер Юнайтед” учрашуви 22 октябрь куни маҳаллий вақт билан соат 14:00да (Тошкент вақти билан 18:00) бошланиши керак эди. Бироқ, ўйинни бир кун олдин - шанба кунига кўчиришга тўғри келди. Жамоалар ўйинни 21 октябрь куни соат 20:00да (Тошкент вақти билан 00:00) бошлайди.
Goal портали нима учун ўйинни аввалроқ ўтказишга тўғри келгани ҳақида гапириб беради. Гап шундаки, Премьер-лига қоидаларида сешанба куни жамоада еврокубоклар ўйини бўлса, якшанба кунги ўйин бошқа муддатга кўчирилиши назарда тутилган. Хабарингиз бор, 24 октябрь куни “Манчестер Юнайтед” Чемпионлар лигаси доирасида “Копенгаген”га қарши баҳс олиб боради.
