«Malyorka»ning qanot himoyachisi Pablo Maffeo «Barselona»ning transferlar ro‘yxatidan joy olgan, deb xabar beradi Todofichajes.
«Ko‘k-anorranglilar» o‘ng qanotga barqaror o‘yinchi qidirmoqda va Maffeo amaldagi La Liga chempioni uchun ustuvor vazifa hisoblanadi. 26 yoshli himoyachining transferi 8 million yevroni tashkil qilishi mumkin. Pabloning «Malyorka» bilan amaldagi shartnomasi 2026 yilning iyun oyi oxirigacha amal qiladi.
Ispaniya chempionatining joriy mavsumida Maffeo yettita o‘yinda qatnashib, bitta sariq kartochka olib, bir marta maydondan chetlatildi.