«Verona» himoyachisi Koray Gyunterning manfaatlarini himoya qiluvchi agent Ersin Akan mijozining Rossiya klubiga o‘tishi mumkinligi haqidagi savolga javob berdi.
«RPLga o‘tish imkoniyatidan foydalanish qishki rejalarimizning bir qismidir. Biz bu variantni ko‘rib chiqamiz», - deya Akanning so‘zlarini keltiradi Sport24.
Oxirgi transfer oynasida 29 yoshli futbolchi SSKAga o‘tishi mumkin edi, ammo transfer amalga oshmadi. Xabaringiz bor, «armiyachilar» safida hamyurtimiz Abbosbek Fayzullayev to‘p tepadi.
2023 yilning yanvaridan iyunigacha Gyunter «Sampdoriya»da ijara asosida o‘ynadi, biroq yozda «Verona»ga qaytdi. Himoyachi joriy mavsumda maydonga tushmadi.