«Верона» ҳимоячиси Корай Гюнтернинг манфаатларини ҳимоя қилувчи агент Эрсин Акан мижозининг Россия клубига ўтиши мумкинлиги ҳақидаги саволга жавоб берди.
«РПЛга ўтиш имкониятидан фойдаланиш қишки режаларимизнинг бир қисмидир. Биз бу вариантни кўриб чиқамиз», - дея Аканнинг сўзларини келтиради Спорт24.
Охирги трансфер ойнасида 29 ёшли футболчи ЦСКАга ўтиши мумкин эди, аммо трансфер амалга ошмади. Хабарингиз бор, «армиячилар» сафида ҳамюртимиз Аббосбек Файзуллаев тўп тепади.
2023 йилнинг январидан июнигача Гюнтер «Сампдория»да ижара асосида ўйнади, бироқ ёзда «Верона»га қайтди. Ҳимоячи жорий мавсумда майдонга тушмади.
