Kelasi yili mashhur murabbiy Joze Mourinyo ish joyini o‘zgartirishi mumkin. Jurnalist Rudi Galettining ijtimoiy tarmoqlarda xabar berishicha, "Al-Hilol" portugaliyalik mutaxassis bilan aloqalarni boshlagan. Saudiya klubi Mourinyoni moliyaviy jihatdan ta’sirli taklif bilan ko‘ndirmoqchi.
Aytish joizki, Mourinyoning amaldagi shartnomasi “Roma” bilan 2023/2024 yilgi mavsum oxirigacha amal qiladi. Avvalroq kelishuv uzaytirilmasligi haqida ma’lumotlar paydo bo‘lgandi.
Xabaringiz bor, mish-mishlar allaqachon Mourinyoni "Al-Hilol" bilan bog‘lagan. Portugaliyalik yaqinda yozda aql bovar qilmaydigan taklif olganini tan oldi, ammo uni rad etdi.
