Келаси йили машҳур мураббий Жозе Моуриньо иш жойини ўзгартириши мумкин. Журналист Руди Галеттининг ижтимоий тармоқларда хабар беришича, "Ал-Ҳилол" португалиялик мутахассис билан алоқаларни бошлаган. Саудия клуби Моуриньони молиявий жиҳатдан таъсирли таклиф билан кўндирмоқчи.
Айтиш жоизки, Моуриньонинг амалдаги шартномаси “Рома” билан 2023/2024 йилги мавсум охиригача амал қилади. Аввалроқ келишув узайтирилмаслиги ҳақида маълумотлар пайдо бўлганди.
Хабарингиз бор, миш-мишлар аллақачон Моуриньони "Ал-Ҳилол" билан боғлаган. Португалиялик яқинда ёзда ақл бовар қилмайдиган таклиф олганини тан олди, аммо уни рад этди.
