Angliya terma jamoasi yarim himoyachisi Jud Bellingem kecha Italiya terma jamoasiga qarshi 2024 yilgi Yevropa chempionati saralash bosqichi uchrashuvida ishtirok etdi. Uchrashuv yakuniga ko‘ra, 20 yoshli yarim himoyachi uchrashuvning eng yaxshi futbolchisi deb topildi.
E’tiborlisi, bu yarim himoyachi uchun joriy mavsumdagi to‘qqizinchi shunday sovrindir.
Bellingem yozgi transfer oynasida "Real"ga, Dortmundning "Borussiya"sidan 103 million yevro evaziga o‘tgan edi. Jud "qirollik" klubi bilan uzoq muddatli mehnat shartnomasini imzoladi.
Joriy mavsumda angliyalik futbolchi “Los-Blankos” safida o‘nta o‘yinda qatnashib, o‘nta gol va uchta golli uzatmani amalga oshirdi.