Англия терма жамоаси ярим ҳимоячиси Жуд Беллингем кеча Италия терма жамоасига қарши 2024 йилги Европа чемпионати саралаш босқичи учрашувида иштирок этди. Учрашув якунига кўра, 20 ёшли ярим ҳимоячи учрашувнинг энг яхши футболчиси деб топилди.
Эътиборлиси, бу ярим ҳимоячи учун жорий мавсумдаги тўққизинчи шундай совриндир.
Беллингем ёзги трансфер ойнасида "Реал"га, Дортмунднинг "Боруссия"сидан 103 миллион евро эвазига ўтган эди. Жуд "қироллик" клуби билан узоқ муддатли меҳнат шартномасини имзолади.
Жорий мавсумда англиялик футболчи “Лос-Бланкос” сафида ўнта ўйинда қатнашиб, ўнта гол ва учта голли узатмани амалга оширди.
