«Sevilya» markaziy himoyachisi Luak Bade jamoadoshi va hamkasbi Serxio Ramos haqida gapirdi.
«Ramos jamoadagi ikkinchi murabbiyga o‘xshaydi. Men uchun u futbol tarixidagi eng yaxshi himoyachi. Men ham u kabi ishlayman va harakat qilaman.
Men uni doim diqqat bilan tinglayman», - deya Badening so‘zlarini keltiradi Muchodeporte.
Eslatib o‘tamiz, 37 yoshli Ramos sentyabr oyi boshida «Sevilya»ga qaytgan edi. Himoyachi 2004 yildan 2005 yilgacha «Sevilya»ning asosiy jamoasida o‘ynagan.
Joriy mavsumda Ramos barcha turnirlarda to‘rtta o‘yinda maydonga tushib, bitta golli uzatmani amalga oshirdi.
