«Севилья» марказий ҳимоячиси Луак Баде жамоадоши ва ҳамкасби Серхио Рамос ҳақида гапирди.
«Рамос жамоадаги иккинчи мураббийга ўхшайди. Мен учун у футбол тарихидаги энг яхши ҳимоячи. Мен ҳам у каби ишлайман ва ҳаракат қиламан.
Мен уни доим диққат билан тинглайман», - дея Баденинг сўзларини келтиради Muchodeporte.
Эслатиб ўтамиз, 37 ёшли Рамос сентябрь ойи бошида «Севилья»га қайтган эди. Ҳимоячи 2004 йилдан 2005 йилгача «Севилья»нинг асосий жамоасида ўйнаган.
Жорий мавсумда Рамос барча турнирларда тўртта ўйинда майдонга тушиб, битта голли узатмани амалга оширди.
