"Chelsi" markaziy himoyachisi Trevo Chalobaga "Nyukasl" qiziqish bildirmoqda.
24 yoshli futbolchini yanvar oyida londonliklar qo‘yib yuborishadi, chunki u murabbiy Maurisio Pochettinoning rejalariga to‘g‘ri kelmaydi. "Bavariya" yozda qiziqish bildirgan ingliz futbolchisiga asosiy da’vogarlardan biri hisoblanardi. 90min xabariga ko‘ra, "Nyukasl" Chaloba uchun kurashga qo‘shilishga tayyor. Qayd etilishicha, poygada Premyer-liganing boshqa vakillari ham, jumladan, “Fulxem”, “Nottingem Forest” va “Brentford” ham qatnashmoqda.
Trevo Chaloba joriy mavsumda “Chelsi” tarkibida birorta ham o‘yin o‘tkazmadi. Transfermarkt ma’lumotlariga ko‘ra, uning narxi 18 million evroni tashkil qiladi.
