"Челси" марказий ҳимоячиси Трево Чалобага "Ньюкасл" қизиқиш билдирмоқда.
24 ёшли футболчини январь ойида лондонликлар қўйиб юборишади, чунки у мураббий Маурисио Почеттинонинг режаларига тўғри келмайди. "Бавария" ёзда қизиқиш билдирган инглиз футболчисига асосий даъвогарлардан бири ҳисобланарди. 90min хабарига кўра, "Ньюкасл" Чалоба учун курашга қўшилишга тайёр. Қайд этилишича, пойгада Премьер-лиганинг бошқа вакиллари ҳам, жумладан, “Фулхэм”, “Ноттингем Форест” ва “Брентфорд” ҳам қатнашмоқда.
Трево Чалоба жорий мавсумда “Челси” таркибида бирорта ҳам ўйин ўтказмади. Transfermarkt маълумотларига кўра, унинг нархи 18 миллион эврони ташкил қилади.