Xabaringiz bor, 10 noyabrdan 2 dekabrgacha 17 yoshlilar o‘rtasida jahon chempionati bo‘lib o‘tadi. Unda ishtirok etadigan hamyurtlarimiz haqida qisqacha ma’lumot beramiz. 

O‘zbekiston ushbu yosh toifasidagi uchinchi jahon chempionatiga tayyorgarlik ko‘rmoqda. Ular «B» guruhida Mali, Kanada va Ispaniya terma jamoalari bilan kuch sinashadi. Turnir 10 noyabr kuni boshlanadi. 

O‘zbekiston U-17 jamoasining taqvimi:

10 noyabr

Mali – O‘zbekiston (mahalliy vaqt bilan 16:00, «Manahan» stadioni)

13 noyabr

O‘zbekiston – Kanada (mahalliy vaqt bilan 19:00, «Manahan» stadioni)

16 noyabr

O‘zbekiston – Ispaniya (mahalliy vaqt bilan 16:00, «Manahan» stadioni)

O‘zbekiston saralashdan qanday o‘tgan?

O‘zbekiston 2023 yilgi U-17 Osiyo kubogi guruh bosqichi o‘yinlarida bor-yo‘g‘i uchta gol urdi, ammo yetti ochko bilan «D» guruhidan muvaffaqiyatli o‘tishga erishdi. Jamoamiz chorak finalda Saudiya Arabistoniga ikkita gol urib, yarim final yo‘llanmasini va U-17 Jahon chempionati yo‘llanmasini qo‘lga kiritdi. Yarim finalda O‘zbekiston Koreya Respublikasiga 0:1 hisobida mag‘lubiyatga uchradi. Turnirda Yaponiya chempion bo‘lgan (ular Koreyani 3:0 hisobida taslim etgan).

Murabbiy: Jamoliddin Rahmatullayev

O‘zbekistonni U-17 futbolida nufuzli turnirlarga qaytarishga mas’ul shaxs Rahmatullayev bo‘lib, uning qisqa vaqt ichida jamoani mukammal boshqarishi maydonda katta muvaffaqiyatlarga sabab bo‘ldi. Rahmatullayev 2022 yilning noyabrida ushbu lavozimga tayinlanganidan buyon samarali futbol brendini muvaffaqiyatli qo‘lladi, uning jamoasi atigi ikki marta mag‘lub bo‘lgan va 11 o‘yinda beshta gol o‘tkazib yuborgan.

Turnirda ko‘p kuzatiladigan futbolchi: Lazizbek Mirzayev

Ijodkor va gol urishdan zerikmaydigan toshkentlik yigitchaning arsenalida turnir davomida kuzatib borish uchun arziydigan ko‘p narsa bor. O‘ng qanotda o‘ynay oladigan hujumkor yarim himoyachi Osiyo Kubogida o‘z jamoasiga sardorlik qildi va guruh bosqichidagi uchta goldan ikkitasiga assistentlik qildi.

Jamoamizning Jahon chempionatlaridagi tarixi

Bu turnir biz uchun uchinchi mundial bo‘lib, o‘n yil ichidagi birinchisidir. O‘zbekiston U-17 Jahon chempionatida ilk bor 2011 yilda ishtirok etgan va u yerda «D» guruhida birinchi o‘rinni egallagan holda 1/8 finalga yo‘l olgan. Avstraliyani 4:0 hisobida mag‘lub etib, tarixdagi eng yaxshi natijasini qayd etgan, chorak finalda Urugvaydan mag‘lubiyatga uchragan. «Oq bo‘rilar» 2013 yilda Osiyo kubogida birinchi marta muvaffaqiyat qozondi va yana mundialga qaytdi, ammo 1/8 finalda Gondurasga qarshi o‘yinda 1:0 hisobida mag‘lub bo‘ldi.

Bilasizmi?

O‘zbekiston U-17 jamoasi Jahon chempionatida guruh bosqichidagi so‘nggi beshta o‘yinda mag‘lub bo‘lmagan.