Mustaqil komissiya "Everton"ning moliyaviy feyr-pley qoidalarini buzganligi bo‘yicha intizomiy sudlovni boshladi, deb xabar beradi Daily Mail nashri.
Manbaga ko‘ra, sud majlisi 17 oktyabr, seshanba kuni yopiq majlisda boshlangan va kelasi hafta yakunlanadi. Premyer-liga boshqa klublarni oldindan ogohlantirmasdan keyingi oyda tribunal tomonidan chiqarilgan hukm va sanksiyalarni e’lon qiladi. Agar "Everton" aybdor deb topilsa, klub jarimaga tortilishi, transfer taqiqi yoki ochkolar olib qo‘yilishi mumkin.
Qayd etilishicha, "Everton" har qanday qoidabuzarliklar mavjudligini qat’iyan rad etadi va klub oqlanishiga ishonadi.
Mart oyida Premyer-liga "Everton"ni moliyaviy qoidabuzarlikda gumon qilgani ma’lum bo‘ldi. Daromadlilik va barqaror rivojlanish qoidalarining mumkin bo‘lgan buzilishi 2021/22 yilgi mavsumga tegishli.
2023 yilning sentyabr oyida "Everton" egasi o‘zgarganini e’lon qildi. Klubni Amerikaning 777 Partners investisiya fondi sotib olgan.
