2030 yilgi jahon chempionatining aksariyat o‘yinlari yubiley turnirga mezbon olti davlat bo‘lishiga qaramay, Ispaniyada bo‘lib o‘tishi mumkin.

SER nashri ma’lumotlariga ko‘ra, Janubiy Amerikadagi uchta ochilish o‘yinidan tashqari FIFA 2030 yilgi Jahon chempionati uchun 18 ta stadiondan foydalanishni ko‘rib chiqmoqda. Ulardan 10 tasi Ispaniyada, to‘rttasi Marokashda, uchtasi Portugaliyada va yana bittasi Ispaniya va Marokash o‘rtasida tanlanadi. Ispaniya futbol federasiyasi JCH-2030 finali Madriddagi "Santyago Bernabeu" stadionida bo‘lib o‘tishini kutmoqda.

Xabar qilinishicha, Ispaniya taklifiga quyidagi arenalar kiradi:

«Santyago Bernabeu» (Madrid);
«Metropolitano» (Madrid);
«Kamp Nou» (Barselona);
«RCDE Stedium» (Barselona);
«La Kartuxa» (Sevilya);
«San-Mames» (Bilbao);
«Reale Arena» (San-Sebastyan);
«Mestalya» (Valensiya).

Eslatib o‘tamiz, yubiley jahon chempionati oltita davlatda (Ispaniya, Portugaliya, Marokash, Urugvay, Argentina va Paragvay) o‘tkaziladi.