2030 йилги жаҳон чемпионатининг аксарият ўйинлари юбилей турнирга мезбон олти давлат бўлишига қарамай, Испанияда бўлиб ўтиши мумкин.

SER нашри маълумотларига кўра, Жанубий Америкадаги учта очилиш ўйинидан ташқари ФИФА 2030 йилги Жаҳон чемпионати учун 18 та стадиондан фойдаланишни кўриб чиқмоқда. Улардан 10 таси Испанияда, тўрттаси Марокашда, учтаси Португалияда ва яна биттаси Испания ва Марокаш ўртасида танланади. Испания футбол федерацияси ЖЧ-2030 финали Мадриддаги "Сантьяго Бернабеу" стадионида бўлиб ўтишини кутмоқда.

Хабар қилинишича, Испания таклифига қуйидаги ареналар киради:

«Сантьяго Бернабеу» (Мадрид);
«Метрополитано» (Мадрид);
«Камп Ноу» (Барселона);
«RCDE Стэдиум» (Барселона);
«Ла Картуха» (Севилья);
«Сан-Мамес» (Бильбао);
«Реале Арена» (Сан-Себастьян);
«Месталья» (Валенсия).

Эслатиб ўтамиз, юбилей жаҳон чемпионати олтита давлатда (Испания, Португалия, Марокаш, Уругвай, Аргентина ва Парагвай) ўтказилади.