Belgiya va Shvesiya terma jamoalari o‘rtasidagi Yevro-2024 saralash o‘yini (1:1) kuni Fransiyaning Nant shahrida shved muxlislarining qotili bilan aloqada bo‘lgan shaxs qo‘lga olindi, deb xabar bermoqda BFMTV nashri.

Nashrning yozishicha, voqeadan bir necha daqiqa oldin erkak qotildan videoyozuv olgan. Qo‘lga olingan shaxs qotilning qarindoshi.

16 oktyabr kuni Belgiya va Shvesiya terma jamoalari o‘rtasidagi Yevro-2024 saralash o‘yini bo‘lib o‘tayotgan Bryusseldagi "Qirol Boduen" stadioni yaqinida Shvesiya terma jamoasi formasini kiygan ikki muxlis otib o‘ldirilgan. Birinchi bo‘limdan keyin xavfsizlik nuqtai nazaridan o‘yin to‘xtatildi. Shvesiya va Belgiya terma jamoalari o‘rtasidagi o‘yinga kelgan 35 mingga yaqin odam voqeadan so‘ng stadionda evakuasiya qilinishini to‘rt soat kutgan.