Бельгия ва Швеция терма жамоалари ўртасидаги Евро-2024 саралаш ўйини (1:1) куни Франциянинг Нант шаҳрида швед мухлисларининг қотили билан алоқада бўлган шахс қўлга олинди, деб хабар бермоқда BFMTV нашри.

Нашрнинг ёзишича, воқеадан бир неча дақиқа олдин эркак қотилдан видеоёзув олган. Қўлга олинган шахс қотилнинг қариндоши.

16 октябрь куни Бельгия ва Швеция терма жамоалари ўртасидаги Евро-2024 саралаш ўйини бўлиб ўтаётган Брюсселдаги "Қирол Бодуэн" стадиони яқинида Швеция терма жамоаси формасини кийган икки мухлис отиб ўлдирилган. Биринчи бўлимдан кейин хавфсизлик нуқтаи назаридан ўйин тўхтатилди. Швеция ва Бельгия терма жамоалари ўртасидаги ўйинга келган 35 мингга яқин одам воқеадан сўнг стадионда эвакуация қилинишини тўрт соат кутган.