"Manchester Siti" bosh murabbiyi Pep Gvardiola o‘tgan mavsumda Angliya Premyer-ligasi doirasidagi safar o‘yinidan so‘ng "Brayton"ning uch nafar futbolchisi bilan suhbatlashgan. The Telegraph jurnalisti Jeyms Dakerning ma’lumotlariga ko‘ra, Xosep ushbu o‘yinchilar bilan muloqot chog‘ida Roberto de Zerbiga barmog‘ini ko‘rsatib: "Bu "Manchester Siti"ning keyingi bosh murabbiyi", - degan.
Eslatib o‘tamiz, De Zerbi o‘tgan mavsumdan beri "Brayton"ni boshqarib kelmoqda. Italiyalik mutaxassis sentyabr oyida Grem Potter o‘rniga bu vazifani qabul qilib oldi. Roberto boshchiligidagi “chaykalar” Yevropa Ligasiga chiqdi.
APLning navbatdagi turida “Brayton” “Manchester Siti” maydoniga safar qiladi.
