"Манчестер Сити" бош мураббийи Пеп Гвардиола ўтган мавсумда Англия Премьер-лигаси доирасидаги сафар ўйинидан сўнг "Брайтон"нинг уч нафар футболчиси билан суҳбатлашган. The Telegraph журналисти Жеймс Дакернинг маълумотларига кўра, Хосеп ушбу ўйинчилар билан мулоқот чоғида Роберто де Зербига бармоғини кўрсатиб: "Бу "Манчестер Сити"нинг кейинги бош мураббийи", - деган.
Эслатиб ўтамиз, Де Зерби ўтган мавсумдан бери "Брайтон"ни бошқариб келмоқда. Италиялик мутахассис сентябрь ойида Грем Поттер ўрнига бу вазифани қабул қилиб олди. Роберто бошчилигидаги “чайкалар” Европа Лигасига чиқди.
АПЛнинг навбатдаги турида “Брайтон” “Манчестер Сити” майдонига сафар қилади.