Alexandro Gomes dori testidan o‘ta olmagani uchun ikki yilga diskvalifikasiya qilindi.
Yarim himoyachi noyabr oyida ijobiy sinovdan o‘tdi, bu, albatta, katta savollarni tug‘dirdi, chunki Gomes o‘shanda Qatarda bo‘lib o‘tgan jahon chempionatida Argentina terma jamoasida o‘ynagan. U yerda «Albiseleste» finalda Fransiyani mag‘lub etib, kubokni qo‘lga kiritdi.
Ammo Argentina terma jamoasi jahon chempionatidan mahrum bo‘lmaydi, deb yozdi Mundo Deportivo o‘z sahifalarida.
Qayd etilishicha, jazo orqaga qaytish kuchiga ega emas va o‘yinchi xabardor qilinganidan keyingina kuchga kiradi.
Eslatib o‘tamiz, sentyabr oyi oxirida 35 yoshli Alexandro Gomes «Monsa» bilan shartnoma imzolagan edi. Endi futbolchi futboldan uzoq muddat diskvalifikasiya qilindi.