Jizzaxdagi “So‘g‘diyona” markaziy stadionida “So‘g‘diyona” hamda “Andijon” jamoalari o‘rtasida Superliganing 22-tur bellashuvi bo‘lib o‘tadi.

Odatga ko‘ra, uchrashuvdan avval klublarning o‘zaro o‘yinlar statistikasiga to‘xtaladigan bo‘lsak, “So‘g‘diyona” – “Andijon” to‘qnashuvi bunga qadar chempionatda 45 ta uchrashuvda kuch sinashishgan. 18 ta o‘yinda “So‘g‘diyona”ning, 16 ta bellashuvda esa “Andijon”ning qo‘li baland kelgan. 11 ta uchrashuvda kuchlar teng kelgan. To‘plar nisbatidagi tafovut ham katta emas, 65\63 jizzaxliklar foydasiga.

Birinchi davrada Farg‘onadagi “Istiqlol” stadionida o‘tkazilgan o‘yinda so‘nggi daqiqalarda urilgan gol evaziga jizzaxliklar 1:2 hisobida g‘alaba qozonishgan.

Umumiy hisobida “Andijon” Jizzaxda 4 marotaba g‘alaba qozongan. Oxirgi marta 2015 yilgi mavsumda “Burgutlar” 1:2 hisobida g‘alabani qo‘lga kiritishgan. Shuningdek, 2009 (0:2), 2008 (2:3) va 2006 (0:1) yilgi mavsumlarda ham safardan uch ochko bilan qaytgan.
Navbatdagi to‘qnashuvda sevimli jamoamizga omad tilab qolamiz.

Eslatib o‘tamiz, “So‘g‘diyona” – “Andijon” o‘rtasidagi bahs 21 oktbyar kuni soat 19:00 da boshlanadi.