Moskvaning SSKA klubi sobiq futbolchisi, hozirda «Torino» safida to‘p tepayotgan Nikola Vlashich Italiya chempionatining 9-turi doirasida «Inter»ga qarshi o‘yindan (0:3) keyin hushini yo‘qotdi.

Corriere dello Sport xabariga ko‘ra, final hushtagi yangragandan so‘ng xorvatiyalik futbolchi yerga yiqilib tushdi. Tibbiyot xodimlari futbolchiga tez yordam ko‘rsatishdi. Shundan so‘ng Vlashich o‘ziga keldi va o‘zi maydonni tark etishga muvaffaq bo‘ldi.

Italiya chempionatining joriy mavsumida 26 yoshli yarim himoyachi «Torino» safida 8 ta o‘yinda qatnashib, samarasiz o‘ynadi.