Jeydon Sancho "Manchester Yunayted"da o‘ynashni davom ettirishi dargumon.
Sentyabr oyida vinger bosh murabbiy Erik ten Xag bilan ziddiyatga tushib qolgan va buning uchun u asosiy jamoadan chetlatilgan edi. Avval xabar qilinganidek, 23 yoshli angliyalikdan uzr so‘rash talab qilingandi, ammo hozir, aftidan, bu ham yordam bermayapti: jurnalist Saymon Mallokning so‘zlariga ko‘ra, “qizil iblislar” ustozi vaziyatni endi o‘nglab bo‘lmaydi, deb hisoblamoqda – futbolchi xato qilganini tan olsa ham, yangi imkoniyatga ega bo‘lmaydi.
Qayd etilishicha, transfer oynasi ochiladigan yanvarda “Yunayted” rahbariyati Jeydon Sancho bilan xayrlashish uchun barcha imkoniyatlarni ishga soladi. Futbolchiga "Borussiya Dortmund" va "Yuventus" qiziqish bildirmoqda.
