"Chelsi" darvozaboni Robert Sanches qo‘pol xatoga yo‘l qo‘yib, "Arsenal"ga o‘yinga qaytishga imkon berdi.

Mehmonlar ispaniyalikning sovg‘asidan unumli foydalanib, 2:0 hisobini qisqartirishdi va yakunda 2:2 bilan o‘yin tugadi.

“Hech kimni ayblashning hojati yo‘q, bu sodir bo‘ladi. Hamma narsa vaqt bilan keladi. Ba’zida siz xotirjam bo‘lishingiz kerak, ba’zida esa tavakkal qilishingiz kerak.

Bizda yosh jamoa bor, futbolchilar bir-birini bilishda davom etmoqda. Biz Sanchesdan mamnunmiz, lekin u, albatta, xatosidan hafsalasi pir bo‘ldi", - dedi Pochettino.

Eslatib o‘tamiz, "Chelsi" o‘tgan yozda "Brayton"dan Robert Sanchesni sotib olgandi.