"Челси" дарвозабони Роберт Санчес қўпол хатога йўл қўйиб, "Арсенал"га ўйинга қайтишга имкон берди.

Меҳмонлар испанияликнинг совғасидан унумли фойдаланиб, 2:0 ҳисобини қисқартиришди ва якунда 2:2 билан ўйин тугади.

“Ҳеч кимни айблашнинг ҳожати йўқ, бу содир бўлади. Ҳамма нарса вақт билан келади. Баъзида сиз хотиржам бўлишингиз керак, баъзида эса таваккал қилишингиз керак.

Бизда ёш жамоа бор, футболчилар бир-бирини билишда давом этмоқда. Биз Санчесдан мамнунмиз, лекин у, албатта, хатосидан ҳафсаласи пир бўлди", - деди Почеттино.

Эслатиб ўтамиз, "Челси" ўтган ёзда "Брайтон"дан Роберт Санчесни сотиб олганди.