"Chelsi" jamoasini kuchaytirish uchun sarmoya kiritishda davom etish niyatida. Todofichajes xabariga ko‘ra, London grandi "Milan" himoyachisi Teo Ernandesni sotib olishni maqsad qilgan. 26 yoshli fransuz o‘zini "rossonerilar"da qulay his qilmoqda, ammo Premyer-ligaga o‘tish uni qaysidir bosqichda o‘ziga jalb qilishi mumkin.
Transfermarkt portali mutaxassislari Teo Ernandesni 60 million yevroga baholamoqda.
Teo Ernandes 2019 yilning iyul oyida "Milan"ga ko‘chib o‘tgandi. O‘shandan beri fransiyalik futbolchi barcha musobaqalarda 176 ta o‘yin o‘tkazib, 25 ta gol va 28 ta golli uzatmani amalga oshirgan.