"Челси" жамоасини кучайтириш учун сармоя киритишда давом этиш ниятида. Todofichajes хабарига кўра, Лондон гранди "Милан" ҳимоячиси Тео Эрнандесни сотиб олишни мақсад қилган. 26 ёшли француз ўзини "россонерилар"да қулай ҳис қилмоқда, аммо Премьер-лигага ўтиш уни қайсидир босқичда ўзига жалб қилиши мумкин.
Transfermarkt портали мутахассислари Тео Эрнандесни 60 миллион еврога баҳоламоқда.
Тео Эрнандес 2019 йилнинг июль ойида "Милан"га кўчиб ўтганди. Ўшандан бери франциялик футболчи барча мусобақаларда 176 та ўйин ўтказиб, 25 та гол ва 28 та голли узатмани амалга оширган.