"Chelsi" bosh murabbiyi Maurisio Pochettino "Arsenal" bilan o‘yinda (2:2) Mark Kukurelyaning o‘yinini yuqori baholadi.
To‘liq 90 daqiqa o‘ynagan himoyachi Kukurelya Pochettinoning maqtoviga sazovor bo‘ldi: "Klubga birinchi kelganimda, ba’zi futbolchilar ketishi yoki qolishi mumkin edi. "Chelsi"ga Mark kerak edi, uning o‘zi ham shu yerda o‘ynashni davom ettirmoqchi edi. U mashg‘ulotlarda yaxshi harakatlandi va shuning uchun ham bugun Bukayo Sakaga qarshi yaxshi o‘ynay oldi. U maqtovga loyiq”, - dedi argentinalik mutaxassis o‘yindan keyingi matbuot anjumanida.
