"Kristal Pelas" katta miqdorda tovon puli evaziga markaziy himoyachisi Mark Gexi bilan xayrlashishga tayyor. Team Talk ma’lumotlariga ko‘ra, "burgutlar" angliyalik futbolchi uchun 69 million yevro taklif qilinsa, uning ketishiga to‘sqinlik qilmaydi.
Eslatib o‘tamiz, Gexi uchun asosiy da’vogar hamon o‘tgan yozdan beri yangi markaziy himoyachi izlayotgan “Manchester Yunayted” hisoblanadi. Mankunianliklar Mark uchun kerakli miqdorda tovon puli to‘lashga tayyormi yoki yo‘qligi hozircha ma’lum emas.
Gexi "Chelsi" bitiruvchisi, ammo 2021 yilning yozidan beri "Kristal Pelas"da o‘ynamoqda. Avvalroq, angliyalik futbolchiga "Tottenxem" ham qiziqish bildirayotgan edi.