"Кристал Пэлас" катта миқдорда товон пули эвазига марказий ҳимоячиси Марк Гехи билан хайрлашишга тайёр. Team Talk маълумотларига кўра, "бургутлар" англиялик футболчи учун 69 миллион евро таклиф қилинса, унинг кетишига тўсқинлик қилмайди.
Эслатиб ўтамиз, Гехи учун асосий даъвогар ҳамон ўтган ёздан бери янги марказий ҳимоячи излаётган “Манчестер Юнайтед” ҳисобланади. Манкунианликлар Марк учун керакли миқдорда товон пули тўлашга тайёрми ёки йўқлиги ҳозирча маълум эмас.
Гехи "Челси" битирувчиси, аммо 2021 йилнинг ёзидан бери "Кристал Пэлас"да ўйнамоқда. Аввалроқ, англиялик футболчига "Тоттенхэм" ҳам қизиқиш билдираётган эди.