Alexandro Gomes doping iste’mol qilgani uchun ikki yillik diskvalifikasiya oldi. Jahon chempioni taqiqlangan modda uning tanasiga tasodifan iste’mol qilgan yo‘tal siropi orqali kirganini aytdi.
Gomes yaqinda Joze Mourinyo haqida fikr bildirib, shunday degandi: "U haqida menda qolgan yagona narsa - bu Yevropa Ligasi finalida uning "Roma"sini mag‘lub etganimiz".
Endi Mourinyo javob berdi, uning so‘zlarini ijtimoiy tarmoqlarda jurnalist Fabrisio Romano iqtibos keltirdi.
"Menda yo‘tal bor, lekin men sirop yoki tabletka ichmayman. Aks holda doping-testlar bilan bog‘liq muammolarga duch kelishim mumkin”, - dedi “Roma” ustozi.
Yakshanba kuni “Roma” o‘z maydonida “Monsa”ni 1:0 hisobida mag‘lub etdi.
