Алехандро Гомес допинг истеъмол қилгани учун икки йиллик дисквалификация олди. Жаҳон чемпиони тақиқланган модда унинг танасига тасодифан истеъмол қилган йўтал сиропи орқали кирганини айтди.

Гомес яқинда Жозе Моуриньо ҳақида фикр билдириб, шундай деганди: "У ҳақида менда қолган ягона нарса - бу Европа Лигаси финалида унинг "Рома"сини мағлуб этганимиз".

Энди Моуриньо жавоб берди, унинг сўзларини ижтимоий тармоқларда журналист Фабрицио Романо иқтибос келтирди.

"Менда йўтал бор, лекин мен сироп ёки таблетка ичмайман. Акс ҳолда допинг-тестлар билан боғлиқ муаммоларга дуч келишим мумкин”, - деди “Рома” устози.

Якшанба куни “Рома” ўз майдонида “Монца”ни 1:0 ҳисобида мағлуб этди.