"Barselona"ga tegishli bo‘lgan Estanis Pedrola "Sampdoriya"da qoladi.
Insayder Fabrisio Romanoning xabar berishicha, Italiya klubi bugun yarim himoyachini 3 million yevroga sotib olish bandini faollashtirgan. Buning uchun ijaraga olingan futbolchi jamoa safida 10 ta o‘yin o‘tkazishi kerak edi.
Ta’kidlanishicha, "blaugrana" 3 million yevro oladi, shuningdek, futbolchining keyingi transferi summasining 50 foizini olish imkoniyatiga ega bo‘ladi.
2025 yilgacha kataloniyaliklar yarim himoyachini 7 million yevroga qaytarib sotib olish imkoniyatiga ega.
Italiya ikkinchi ligasida 9 o‘yinda Pedrola 3 ta gol urdi.
