"Барселона"га тегишли бўлган Эстанис Педрола "Сампдория"да қолади.
Инсайдер Фабрицио Романонинг хабар беришича, Италия клуби бугун ярим ҳимоячини 3 миллион еврога сотиб олиш бандини фаоллаштирган. Бунинг учун ижарага олинган футболчи жамоа сафида 10 та ўйин ўтказиши керак эди.
Таъкидланишича, "блауграна" 3 миллион евро олади, шунингдек, футболчининг кейинги трансфери суммасининг 50 фоизини олиш имкониятига эга бўлади.
2025 йилгача каталонияликлар ярим ҳимоячини 7 миллион еврога қайтариб сотиб олиш имкониятига эга.
Италия иккинчи лигасида 9 ўйинда Педрола 3 та гол урди.
