«Manchester Yunayted» bosh murabbiyi Erik ten Xag Chempionlar ligasi guruh bosqichida «Kopengagen» bilan o‘yin hujumchi Rasmus Xyoylund uchun o‘zgacha bo‘lishini ta’kidladi.
Eslatib o‘tamiz, daniyalik futbolchi Avstriyaning «Shturm» klubiga o‘tguniga qadar ikki mavsum poytaxtliklar safida to‘p tepdi.
«Kopengagen»ga qarshi o‘yin Xyoylund uchun o‘zgacha bo‘ladi. U shu klubda o‘sgan va yuqori motivasiyaga ega bo‘ladi.
Uning his-tuyg‘ularini jilovlay olishi juda muhim», - dedi Ten Xag o‘yin oldidan o‘tkazilgan matbuot anjumanida.
Eslatib o‘tamiz, Xyoylund «Manchester Yunayted» safida Chempionlar ligasida yagona gol urgandi. Guruh bosqichining ikki turida daniyalik 3 ta gol urdi.
