Londonning “Chelsi” klubi yarim himoyachisi Konor Gallaxer jamoaning mavsum boshidan buyon erishgan yutuqlarini qayd etdi.
“Ko‘klar” yozgi transfer oynasida o‘z tarkibini sezilarli darajada yangiladi, shuningdek, murabbiyini ham almashtirdi. Maurisio Pochettino yangi murabbiy bo‘ldi. Londonliklar hozirda turnir jadvalida o‘ninchi o‘rinni egallab turishibdi, ammo Gallaxerning fikricha, ijobiy o‘zgarishlar yaqqol ko‘rinib turibdi.
“Bizning ishonchimiz kundan-kunga ortib bormoqda. Biz bir-birimizni yaxshilash va tushunish uchun ko‘p harakat qilamiz - bu juda muhim jihat. Bu vaqt talab etadi, biroq so‘nggi bir necha o‘yinlarda allaqachon yaxshilanishlar kuzatilgan", - deya yarim himoyachining so‘zlarini keltiradi "Chelsi" matbuot xizmati.
