Liga1 grandi "PSJ" yozda "Barselona"dan Usmon Dembeleni 50 million yevroga xarid qildi. 26 yoshli forvard esa hozircha parijliklar rahbariyatining umidlarini oqlamayapti.
Jamoa tarkibida hozirgacha 10 ta o‘yinda ishtirok etgan Usmon bor yo‘g‘i 2 golli uzatma amalga oshirdi xolos. O‘zini ko‘rsatishi uchun unda hali imkoniyat bor, agar qishgacha vaziyat o‘zgarmasa, "PSJ" rahbariyati Dembeleni sotib yuborishi mumkin.
Eslatib o‘tamiz, Usmonning amaldagi shartnomasi 2028 yilgacha tuzilgan. Transfermarkt uni 60 millionga baholamoqda.