Afg‘oniston terma jamoasida yangi mojaro yuzaga keldi. Yaqindagina terma jamoa futbolchilari quvaytlik bosh murabbiy Abdulla al Mutairini iste’foga chiqishga majbur qilishgan edi.
Endi federasiya prezidenti Muhammad Yusuf Kargar o‘z lavozimini tark etmaguncha, yetakchi futbolchilar terma jamoada o‘ynashdan bosh tortishmoqda. Jumladan, terma jamoa sardori Farshad Nur va angliyalik mahalliylashtirilgan futbolchi Nur Husin o‘z instagram sahifalarida, Kargar va uning sheriklarini terma jamoa yig‘ini payti futbolchilariga to‘lanishi kerak bo‘lgan kundalik pullarni o‘zlashtirishda ayblashgan.
Shuningdek, terma jamoaning uy uchrashuvlari uchun neytral maydon Tojikistondan Saudiya Arabistoniga ko‘chirilgani ham futbolchilarning noroziligiga sabab bo‘lgan.
Nur Husinning yozishicha, Kargar bu qarori uchun Saudiya Arabistoni futbol federasiyasidan 30 ming dollar pul ham olgan.