"Real" bosh murabbiyi Karlo Anchelotti Chempionlar ligasi guruh bosqichi 3-tur uchrashuvida "Braga" ustidan qozonilgan g‘alaba (2:1) haqida fikr bildirdi.
"Rodrige asta-sekin gol ura boshlaydi va bu biz uchun juda muhim. Umuman olganda, biz juda yaxshi o‘yin o‘tkazdik deb o‘ylayman. Gol o‘tkazib yuborganimiz menga yoqmadi, chunki bungacha biz vaziyatni yaxshi nazorat qilgandik va g‘alaba deyarli qo‘limizda edi.
O‘tkazib yuborilgan gol oldidan menga hammasi o‘z qo‘limizdadek tuyuldi, ammo keyin o‘yin dinamikasi o‘zgardi. Biz chiziqlar orasidagi bo‘sh joyni yaxshi nazorat qildik, keyin esa 2:1 hisobi bilan vaziyat yomonlasha boshladi", - deya Anchelotti so‘zlarini keltiradi UEFA matbuot xizmati.
