"Arsenal" hujumchisi Gabriel Jezus UYEFA Chempionlar ligasi guruh bosqichi 3-turida "Sevilya"ga qarshi safar uchrashuvi haqida gapirdi. “Kanonirlar” 2:1 hisobida g‘alabani tantana qilishdi.
"Bu juda ajoyib bo‘ldi. Bu yerda o‘ynash oson emas, ayniqsa g‘alaba qozonish qiyin. "Sevilya"ning o‘yin uslubi qattiq. Ularda to‘p bilan yaxshi muomala qila oladigan kuchli futbolchilar bor. Bundan tashqari, ularning uy stadionida o‘ynash oson emas. Lekin bu bizni to‘xtatmadi, barchani g‘alaba bilan tabriklayman. Bu muvaffaqiyat bizga ishonch bag‘ishlaydi", - dedi Jezus UYEFA matbuot xizmatiga.
Uch tur natijasiga ko‘ra, "kanonirlar" olti ochko jamg‘arib, V guruhida peshqadamlik qilmoqda.
