"Арсенал" ҳужумчиси Габриэль Жезус УЕФА Чемпионлар лигаси гуруҳ босқичи 3-турида "Севилья"га қарши сафар учрашуви ҳақида гапирди. “Канонирлар” 2:1 ҳисобида ғалабани тантана қилишди.

"Бу жуда ажойиб бўлди. Бу ерда ўйнаш осон эмас, айниқса ғалаба қозониш қийин. "Севилья"нинг ўйин услуби қаттиқ. Уларда тўп билан яхши муомала қила оладиган кучли футболчилар бор. Бундан ташқари, уларнинг уй стадионида ўйнаш осон эмас. Лекин бу бизни тўхтатмади, барчани ғалаба билан табриклайман. Бу муваффақият бизга ишонч бағишлайди", - деди Жезус УЕФА матбуот хизматига.

Уч тур натижасига кўра, "канонирлар" олти очко жамғариб, В гуруҳида пешқадамлик қилмоқда.