«Napoli»ning sobiq futbolchisi Roberto Goretti neapolliklar mavsum boshida jamoa duch kelgan inqirozni yengib o‘ta oldimi yoki yo‘qmi, degan fikrni aytdi.
Eslatib o‘tamiz, kecha, 24-oktyabr kuni Chempionlar ligasi guruh bosqichi 3-turi doirasidagi o‘yinda «Napoli» jamoasi «Union Berlin»ni (1:0) mag‘lub etib, ketma-ket ikkinchi g‘alabasini qo‘lga kiritdi.
«Napoli inqirozdan chiqdimi, deyish qiyin. Jamoa g‘alaba qozonishni boshlasa, yomon o‘yinlar tez orada unutiladi.
Rudi Garsiyani ikkita muhim g‘alabaga erishgani uchun maqtash mumkin. O‘ylaymanki, bu unga yetarlicha vaqt beradi va prezidentning unga bo‘lgan hurmatini oshiradi.
Xvicha qiyin vaziyatda ajoyib o‘ynaganidan ham juda xursandman. Kerakli vaqtda u jamoada yetakchilikni qo‘lga olib, g‘alaba qozonishga yordam berdi», — dedi Goretti.
