«Наполи»нинг собиқ футболчиси Роберто Горетти неаполликлар мавсум бошида жамоа дуч келган инқирозни енгиб ўта олдими ёки йўқми, деган фикрни айтди.

Эслатиб ўтамиз, кеча, 24-октябр куни Чемпионлар лигаси гуруҳ босқичи 3-тури доирасидаги ўйинда «Наполи» жамоаси «Унион Берлин»ни (1:0) мағлуб этиб, кетма-кет иккинчи ғалабасини қўлга киритди.

«Наполи инқироздан чиқдими, дейиш қийин. Жамоа ғалаба қозонишни бошласа, ёмон ўйинлар тез орада унутилади.

Руди Гарсияни иккита муҳим ғалабага эришгани учун мақташ мумкин. Ўйлайманки, бу унга етарлича вақт беради ва президентнинг унга бўлган ҳурматини оширади.

Хвича қийин вазиятда ажойиб ўйнаганидан ҳам жуда хурсандман. Керакли вақтда у жамоада етакчиликни қўлга олиб, ғалаба қозонишга ёрдам берди», — деди Горетти.