"Manchester Siti" bosh murabbiyi Pep Gvardiola jamoa yarim himoyachisi Jek Grilish haqida fikr bildirdi.

"Jek va uning sifati va u ikki yil oldin kelganidan beri biz uchun nima qilganiga bir lahza ham shubha qilmayman, ayniqsa o‘tgan mavsum. Ammo hozir u bir oylik tanaffusdan keyin bir ritmga kirishi kerak. U Fil Foden yoki Bernardu Silvaga o‘xshamaydi, ular formasiga qaytishi uchun atigi ikki yoki uchta mashg‘ulot o‘tkazishi kerak.

U o‘ynash uchun jamoadoshlari bilan kurashishi kerak", - dedi Gvardiola "Manchester Siti" rasmiy saytiga.

Joriy mavsumda 28 yoshli angliyalik futbolchi barcha turnirlar doirasida 9 ta o‘yinda maydonga tushib, 1 ta golli uzatmani amalga oshirdi.

25 oktyabr kuni "Manchester Siti" Chempionlar ligasi guruh bosqichining 3-turi doirasida "Yang Boyz"ni mehmoni bo‘ladi.