"Манчестер Сити" бош мураббийи Пеп Гвардиола жамоа ярим ҳимоячиси Жек Грилиш ҳақида фикр билдирди.

"Жек ва унинг сифати ва у икки йил олдин келганидан бери биз учун нима қилганига бир лаҳза ҳам шубҳа қилмайман, айниқса ўтган мавсум. Аммо ҳозир у бир ойлик танаффусдан кейин бир ритмга кириши керак. У Фил Фоден ёки Бернарду Силвага ўхшамайди, улар формасига қайтиши учун атиги икки ёки учта машғулот ўтказиши керак.

У ўйнаш учун жамоадошлари билан курашиши керак", - деди Гвардиола "Манчестер Сити" расмий сайтига.

Жорий мавсумда 28 ёшли англиялик футболчи барча турнирлар доирасида 9 та ўйинда майдонга тушиб, 1 та голли узатмани амалга оширди.

25 октябрь куни "Манчестер Сити" Чемпионлар лигаси гуруҳ босқичининг 3-тури доирасида "Янг Бойз"ни меҳмони бўлади.