Fransiya Professional futbol ligasi (LFP) tartib-intizom komissiyasi muxlislarning xatti-harakati uchun "MonpelYE"dan bir ochko olib tashladi. Jamoa muxlislari milliy chempionatining sakkizinchi turida "Klermon" darvozaboniga jarohat yetkazishgandi.

"MonpelYE"dan ​​shartli ravishda yana bir ochko olib tashlandi. "Klermon"ga qarshi o‘yin "MonpelYE"ning uy stadionida bo‘sh tribunalarda takror o‘tkaziladi. Klub cheklangan muxlislar qo‘llab-quvvatlashi bilan yana ikkita o‘yin o‘tkazishga majbur bo‘ladi.

8 oktyabr kuni jamoalar o‘rtasidagi o‘yinda tribunadan tashlangan petarda portlagandan so‘ng, "Klermon" darvozaboni Mori Diavani zambilda olib ketishdi. Voqea ikkinchi bo‘limga qo‘shib berilgan daqiqalarda sodir bo‘ldi. "Klermon" darvozasi hududida petarda portladi. O‘yin to‘xtatilgan vaqtda "MonpelYE" 4:2 hisobida g‘alaba qozonayotgandi.